Bavariya klubi hujumchi Nikolas Jeksonni Chelsi klubidan sotib olish huquqini amalga oshirishi mumkin, hatto majburiy xarid sharti kuchga kirmasa ham. Bu haqda Euro-football.ru xabar berdi.
Mavjud ma’lumotlarga ko‘ra, agar futbolchi joriy mavsumda 40 yoki undan ortiq o‘yinda kamida 45 daqiqa maydonda bo‘lsa, Myunxen klubi uning to‘liq transferini rasmiylashtirishi shart. Biroq, bu shart bajarilmasligi ehtimoli yuqori bo‘lsa-da, o‘tish jarayoni butunlay istisno qilinmaydi.
Bild nashrining xabariga ko‘ra, tomonlar o‘rtasida kelishuv mavjud bo‘lib, agar futbolchi o‘zini yaxshi tomondan ko‘rsatsa, lekin kerakli o‘yin soniga yetmasa, klubalar mavsum bahorida bitimni muhokama qiladi. Transfermarkt ekspertlari bahosiga ko‘ra, Nikolas Jeksonning qiymati 50 million yevroga teng.
24 yoshli hujumchi ijaraga olinganidan so‘ng Bavariya safida birinchi o‘yinda maydonga tushgan.
