Voltemadening bonus shartnomasi tafsilotlari ochiqlandi
Nik Voltemadening “Shtutgart”dan “Nyukasl”ga o‘tishi joriy mavsumning eng kutilmagan transferlaridan biri bo‘ldi. Bu haqda Euro-football.ru xabar berdi.
Endi ushbu bitimning moliyaviy tafsilotlari ma’lum qilindi. Sport BILD nashrining xabar berishicha, asosiy transfer summasi 85 million yevroni tashkil etadi, biroq to‘lovlar uchta alohida yillik to‘lov shaklida amalga oshiriladi.
Shuningdek, shartnomada nemis klubi uchun bonus to‘lovlari ham ko‘zda tutilgan. Agar “Nyukasl” Premer-ligani yutsa, “Shtutgart”ga 2 million yevro to‘lanadi.
Xuddi shunday summa “Nyukasl” Chempionlar ligasida g‘olib chiqsa ham beriladi. Agar jamoa yarim finalga chiqsa va Voltemade maydonda vaqtining kamida 60 foizini o‘tkazsa, “Shtutgart” 1 million yevro oladi.
Bundan tashqari, Premer-liganing eng yaxshi to‘purar unvoni uchun “Nyukasl” 500 ming yevro to‘laydi. O‘z navbatida, futbolchi yiliga sakkiz million yevrogacha bo‘lgan shartnoma imzoladi.
Avvalroq, “Bavariya”ning sharafli prezidenti Uli Hyuness Voltemadening narxiga shubha bildirgan edi. Ammo bir hafta o‘tib, Nik “Nyukasl” safida debyut o‘yinida gol urdi va o‘zining qiymatini isbotladi.
