Markinyos: Shevalye Donnarummadan kam emas
«PSJ» jamoasi sardori, braziliyalik Markinyos yangi darvozabon Lyuka Shevalye o‘zidan oldingi italiyalik Janluiji Donnarummadan kam bo‘lmasligiga ishonadi. Bu haqda Euro-football.ru xabar berdi.
Donnarumma klub safida o‘ynagan yillar davomida ko‘plab tanqidlarga uchragan bo‘lsa-da, aynan uning o‘yini o‘tgan mavsumda jamoaga orzu qilingan Chempionlar Ligasi g‘olibligini ta’minladi. Markinyosning so‘zlariga ko‘ra, Lyuka allaqachon yangi jamoaga moslashib olgan va uning imkoniyatlari yuqori baholanmoqda.
U hurmatga sazovor darvozabon o‘rniga kelgan bo‘lsa-da, jamoa uning katta yutuqlarga erishishiga ishonadi. Markinyos umid qiladiki, Shevalye jamoa uchun muhim o‘yinchi bo‘lib qoladi.
Eslatib o‘tamiz, Donnarumma esa «Manchester Siti» klubiga o‘tgan.
