O‘tgan mavsumdagi qiyinchiliklarga qaramay, Manchester Yunayted klubi moliyaviy yilni rekord darajadagi byudjet bilan yakunladi. Bu haqda Euro-football.ru xabar berdi.
Ularning byudjeti 666,5 million ingliz funt sterlingini tashkil etdi. Bu nafaqat klub tarixidagi eng yuqori byudjet, balki Angliya Premer Ligasi bo‘yicha ham eng katta ko‘rsatkichdir.
Hatto chempion bo‘lgan Liverpul klubining byudjetidan ham yuqori. Klub ma’muri Omar Berrada so‘zlariga ko‘ra, bu raqamlar murakkab davrlarda ham klubning mashhurligi pasaymayotganini ko‘rsatadi.
Manchester Yunayted so‘nggi marta Angliya chempioni 2013 yilda bo‘lgan. Shu kundan beri jamoa chempionlikni qo‘lga kiritmagan.
Klub o‘zining yuqori byudjeti va kuchli moliyaviy imkoniyatlari bilan kelajakda ham muvaffaqiyatlarga erishishni maqsad qilgan. Bu esa uning sport maydonida va iqtisodiy jihatdan barqarorligini ta’minlashga xizmat qiladi.
