Sobiq Turin "Yuventus" jamoasi va Braziliya terma jamoasi hujumchisi Kayu Jorje hozirda "Kruzeiro" klubida ajoyib o‘yin ko‘rsatmoqda. Bu haqda Euro-football.ru xabar berdi.
U Braziliya chempionatining 22 o‘yinida o‘n beshta gol urishga muvaffaq bo‘ldi. O‘z muvaffaqiyatlarini u hech kimga emas, balki "Yuventus"da birinchi mavsumini birga o‘tkazgan Krishtianu Ronalduga minnatdor deb biladi.
Portugaliyalik futbolchidan eshitgan so‘zlari braziliyalik hujumchi uchun hayotiy shiorga aylangan. Kayu Jorje shunday deydi: "O‘sha kuni maydonga chiqishni juda xohlardim, o‘zimni ko‘rsatishga sabrim yo‘q edi.
Lekin maydonga tushirishmadi. Bu menga juda ta’sir qildi.
Shunda Krishtianu menga 'Tayyorlan, imkoniyating keladi. Mashq qil' dedi.
Bu so‘zlar boshimda chuqur o‘rnashib qoldi va men ularni tatuirovka qilib qo‘yishga qaror qildim." Krishtianu Ronaldo 2021 yilda "Yuventus"ni tark etdi. Kayu Jorje esa uning maslahatlari va so‘zlarini doimo yodda tutib, o‘z mahoratini oshirishga intilmoqda.
Uning tajribalari yosh futbolchilar uchun ham motivatsiya manbai hisoblanadi.
