Markus Reshford Chempionlar Ligasi turida eng yaxshi futbolchi

UEFA Chempionlar Ligasi umumiy bosqichining birinchi turidan so‘ng eng yaxshi futbolchi deb tanlangan o‘yinchini e’lon qildi. Bu haqda Euro-football.ru xabar berdi.

Ushbu mukofotni «Barselona» jamoasi hujumchisi Markus Reshford qo‘lga kiritdi. Reshford mehmon safarda o‘tkazilgan «Nyukasl»ga qarshi o‘yinda ikkita gol urib, jamoasining 2:1 hisobidagi g‘alabasini ta’minladi.

Birinchi golini bosh bilan, ikkinchisini esa o‘rta masofadan aniq zarba bilan amalga oshirdi. Bu golar Markusning yozgi transferdan so‘ng «ko‘k-binafsha» jamoasi safidagi ilk gollari bo‘ldi.

Haftaning eng yaxshi futbolchisi unvoni uchun kurashda Markus Reshford «Yuventus»dan Dushan Vlahovich, «Inter»dan Markus Tyuram va «Sporting»dan Fransishku Trinkau kabi o‘yinchilarni ortda qoldirdi. Ushbu tanlov futbolchining yuqori darajadagi o‘yinini va jamoasiga qo‘shgan katta hissasini tasdiqlaydi.