Sobiq Moskva «Dinamo» va nemis klublarida hujumchi bo‘lgan Sergey Kiryakov fikricha, Qozog‘istonning «Qayrat» va Ozarbayjonning «Qorabog‘» jamoalari Chempionlar Ligasi pley-off bosqichiga chiqa olmasligi mumkin. Bu haqda Euro-football.ru xabar berdi.
Asosiy turnirning birinchi turida «Qayrat» Lissabonning «Sporting» jamoasiga safarda 1:4 hisobida mag‘lub bo‘ldi, «Qorabog‘» esa kutilmagan tarzda mehmonlarda «Benfika»ni 3:2 hisobida yengdi. Mutaxassisning ta’kidlashicha, endi «Qorabog‘»ga nisbatan ko‘proq e’tibor va jiddiy munosabat bo‘ladi, bu esa Ozarbayjon jamoasining o‘yinini qiyinlashtiradi.
«Qorabog‘» «Qayrat»dan kuchliroq bo‘lsa-da, ikkala klubning ham pley-off bosqichiga o‘tish imkoniyati past. Ikkinchi turda «Qorabog‘» 1 oktabr kuni o‘z maydonida «Kopengagen»ni qabul qiladi, «Qayrat» esa bir kun oldin Madridning «Real» jamoasiga qarshi maydonga chiqadi.
Qozog‘iston jamoasi tarixida ilk bor asosiy bosqichga chiqdi. Ularning tarkibida sobiq «Krasnodar» va «Rubin» himoyachilari Yegor Sorokin hamda Aleksandr Martynovich o‘ynaydi.
