Keyn Ronaldu va Holanni rekordda ortda qoldirishi mumkin

Bavariya jamoasining hujumchisi Garri Keyn mavsum boshida ajoyib natijalar ko‘rsatmoqda. Bu haqda Euro-football.ru xabar berdi.

U so‘nggi o‘yinlarda o‘zining yuqori samaradorligini tasdiqladi. Shanba kuni Bundesliganing Hoffenxaym jamoasiga qarshi o‘tkazilgan bahsda Keyn het-trik qayd etdi va jamoasi 4:1 hisobida g‘alaba qozondi.

Hujumchi shu mavsumda etti o‘yinda 13 ta gol urdi. Umumiy hisobda esa u München jamoasi safida barcha musobaqalarda 103 ta o‘yinda 98 marta raqib darvozasini ishg‘ol qildi.

Bayern & Germany nashrining ma’lumotlariga ko‘ra, Keyn navbatdagi o‘yinda Verderga qarshi maydonga tushganda, Yevropaning beshta yetakchi ligalaridagi klublar orasida yuzta golga eng tez erishgan futbolchi bo‘lishi mumkin. Hozirgi rekord Krishtianu Ronaldu va Erlin Holannga tegishli bo‘lib, ular bu natijaga 105 o‘yinda erishgan.

Sobiq Tottenham yulduzi Keyn esa bu ko‘rsatkichni oshirish uchun navbatdagi o‘yinda kamida ikki gol urishi zarur. Shunday qilib, u Yevropaning eng tez yuzta gol muallifi bo‘lish imkoniyatiga ega.