Manchester Yunayted jamoasining yarim himoyachisi Kazemiro shanba kuni bo‘lib o‘tgan Chelsea bilan o‘yinda ham qahramon, ham antqahramon bo‘lishga ulgurdi. Bu haqda Euro-football.ru xabar berdi.
Braziliyalik futbolchi o‘yinning 37-daqiqasida darvozani ishg‘ol qilib, hisobni 2:0 ga keltirdi. Bu gol jamoa uchun g‘alaba keltirgan bo‘lib, Manchester Yunayted o‘yinni 2:1 hisobida yutdi.
Biroz o‘tib, Kazemiro yana o‘z nomini protokolga yozdirishga muvaffaq bo‘ldi, ammo bu safar salbiy holatda – u ikkinchi sariq kartochkani olib, maydondan haydaldi. Opta ma’lumotlariga ko‘ra, Kazemiro Angliya Premer Ligasi birinchi bo‘limida gol urib, qizil kartochka olgan Manchester Yunayted tarixidagi birinchi futbolchi bo‘ldi.
Bunday holat barcha jamoalar orasida oxirgi marta 2012 yilda Tottenham va Arsenal o‘rtasidagi o‘yinda Emmanuel Adebayor tomonidan qayd etilgan edi.
