Luis Enrike: Jamoaning sardorlarini futbolchilar o‘zlari tanlaydi
Fransiya klubi "Pari Sen-Jermen" bosh murabbiyi Luis Enrike Ashraf Hakimining jamoa vitse-kapitanligi haqida fikr bildirdi. Bu haqda Euro-football.ru xabar berdi.
Unga ko‘ra, kapitanlarni har doim o‘yinchilar tanlaydi va u hech qachon o‘zining shaxsan kapitan tayinlagani yo‘q. Murabbiyning aytishicha, jamoada yuzaga kelgan boshqa masalalar haqida ma’lumot oshkor qilinmaydi.
Agar qo‘shimcha ma’lumotlar paydo bo‘lsa, ular haqida alohida gaplashish mumkin bo‘ladi. Shuningdek, bu yil avgust oyida prokuratura Ashraf Hakimiga nisbatan 15 yilgacha qamoq jazosi so‘rab sudga murojaat qilgan.
Marokash terma jamoasi a’zosi bo‘lgan futbolchi jinsiy zo‘rlashda ayblanmoqda. Mazkur ish bo‘yicha tergov ishlari allaqachon ikki yildan beri davom etmoqda.
Luis Enrike bu masalani jamoa ichidagi ishlar bilan bog‘lamasligini ta’kidladi. U o‘z jamoasining obro‘sini saqlashga intiladi va sud jarayonlarini hurmat qilish kerakligini bildirdi.
