Vest Hem hamda Grem Potter ishdan bo‘shatilishi mumkin

«Vest Hem» jamoasida bosh murabbiy almashuvi tayyorlanmoqda. Bu haqda Euro-football.ru xabar berdi.

TBR Football nashrining seshanba kuni e’lon qilgan ma’lumotiga ko‘ra, «Vest Hem» jamoasining bosh murabbiyi Grem Potter joriy yig‘inlar orasidagi milliy jamoalar o‘yinlariga qadar o‘z lavozimida qoladi. Ya’ni, Potter boshchiligida «mollotoboylar» Premyer-liga doirasidagi «Everton» (29 sentabr) va «Arsenal» (4 oktabr) jamoalariga qarshi o‘yinlarni o‘tkazadi.

Manbaning ta’kidlashicha, bu faqat vaqtinchalik kechiktirishdir, chunki Potterning «Vest Hem»dagi kunlari sanalgan. Klub murabbiyni almashtirishni istaydi, ammo yangi bosh murabbiy bilan kelishuvga erishmaguncha hozircha bu ish amalga oshirilmaydi.

«Mollotoboylar» hozirda Nunu Eshpiritu Santu hamda Slaven Bilich bilan muzokaralar olib bormoqda. Grem Potter «Vest Hem» uchun mo‘jiza ko‘rsata olmadi.

Jamoa Premyer-liga jadvalida 19-o‘rinni egallab turibdi. Ushbu holat klub uchun qoniqarsiz hisoblanadi va bosh murabbiy almashuvi yaqin kelajakda amalga oshirilishi kutilmoqda.