UEFA Simeonega qarshi rasmiy tergov boshladi
UEFA «Atletiko» jamoasi bosh murabbiyi Diego Simeonega nisbatan tekshiruv boshladi. Bu haqda Euro-football.ru xabar berdi.
Yaqinda bo‘lib o‘tgan Chempionlar ligasi o‘yinining oxirlarida, «Liverpul»ga qarshi bahsda, argentinalik mutaxassis muxlis bilan janjalga kirishdi. Simeone o‘zini nazorat qila olmay, tribunadan biror narsa baqirayotgan muxlisga hujum qilishga urindi.
The Athletic nashri tekshiruv boshlangani haqida ma’lumot berdi. Ushbu voqeadan so‘ng Simeone jiddiy jazo olish xavfi ostida turibdi.
Ma’lum bo‘lishicha, hakam o‘sha paytda «Atletiko» murabbiyiga qizil kartochka ko‘rsatgan. Shuningdek, o‘sha janjal vaqtida «Atletiko» shtab a’zolaridan biri muxlisga tupurib yuborgani videolardan birida ko‘rinib turibdi.
Bu holat ham jamoa uchun salbiy oqibatlarga olib kelishi mumkin. Tekshiruv yakunlari asosida mutaxassisga nisbatan qanday choralar ko‘rilishi aniqlanadi.
