Amorim Mbeumoning jamoaga qo‘shgan hissasini yuqori baholadi
Manchester Yunayted jamoasining bosh murabbiyi Ruben Amorim hujumchi Bryayn Mbeumoning jamoaga qo‘shgan hissasi haqida fikr bildirdi. Bu haqda Euro-football.ru xabar berdi.
Uning aytishicha, Mbeumo jamoa uchun juda muhim o‘yinchi hisoblanadi. U doim tayyor, ko‘p yuguradi va raqibga bosim o‘tkazadi.
O‘tgan mavsumga nisbatan u butunlay boshqacha xavf tug‘diradi. Amorim Mbeumodan juda mamnunligini ta’kidladi.
Shuningdek, u ushbu ligadan o‘yinchini sotib olish muhim bo‘lganini, chunki shunday qilib uning imkoniyatlarini yaxshiroq tushunish mumkinligini aytdi. Amorim Bryayn bilan omadli ish tutganliklarini ham ta’kidladi.
Shanba kuni Manchester Yunayted Premyer-liga doirasida Brentford jamoasining maydoniga safar qiladi. Qayd etilishicha, Mbeumo aynan shu jamoada joriy yilning iyul oyining o‘rtalarigacha o‘ynagan.
