Madridning “Real” jamoasi hujumchisi Endrik Angliya Premer-ligasida faoliyatini davom ettirish imkoniyatiga ega. Bu haqda Euro-football.ru xabar berdi.
Xabi Alonso jamoasining rejalariga kirmagan braziliyalik futbolchining yangi manzili sifatida “Nyukasl” klubi ko‘rsatilmoqda. E-Noticies ma’lumotlariga ko‘ra, 19 yoshli o‘yinchi yanvar oyida ijaraga berilishi mumkin.
Agar Endrik murabbiyni o‘z mahorati bilan ishontira olmasa, “Real” rahbariyati uni qishki transfer oynasida jamoadan bo‘shatishga tayyor. Endrik bahorda jarohat olgan va shu vaqtdan beri maydonga tushmagan, ammo so‘nggi ikki La Liga o‘yinida jamoa tarkibiga kiritilgan.
Transfermarkt portali uning bozor qiymatini 35 million yevroga baholamoqda. Oldin “Palmeiras” jamoasida yulduz sifatida tanilgan Endrik faoliyatini yangi jamoada davom ettirishga intilmoqda.
