Manchester Siti bosh murabbiyi Xosep Gvardiola jamoaning o‘ng qanot himoyasidagi muammolari haqida fikr bildirdi. Bu haqda Euro-football.ru xabar berdi.
So‘nggi o‘yinlarda o‘ng himoyachi pozitsiyasida Abdulkodir Xusanov maydonga tushgan, biroq u jarohat olgan. O‘zbekistonlik futbolchi haqida murabbiydan yangi o‘ng qanot himoyachisi kerakligi so‘ralgan.
Gvardiola hozircha buni bilmasligini aytdi. U yaqinda o‘ng qanotda o‘ynagan Xusanovdan mamnunligini ta’kidladi.
Shuningdek, bu pozitsiyada Mateus Nunes, Riko Lyuis va hatto Jon Stouns ham o‘ynashi mumkinligini qayd etdi. Shu jihatdan jamoada muammo yo‘qligini bildirgan murabbiy, yangi futbolchi qidirilayotgan yoki yo‘qligi haqida hozircha aniq ma’lumot yo‘qligini aytdi.
Shanba kuni Manchester Siti o‘z maydonida Bernli jamoasiga qarshi o‘yin o‘tkazadi. Jamoa murabbiyi o‘yinga tayyorgarlik haqida ham so‘zlab, barcha futbolchilarni maydonga tayyorlashga harakat qilayotganini ta’kidladi.
Umuman olganda, Manchester Siti himoyasining o‘ng qanotida bir nechta variant mavjud bo‘lib, murabbiy jamoani kuchaytirish uchun imkoniyatlarni ko‘rib chiqmoqda.
