Angliya Premer Ligasında ikkinchi murabbiy iste’fosi yuz berdi. Bu haqda Euro-football.ru xabar berdi.
Shanba kuni “Vest Hem” jamoasi bosh murabbiyi Grem Potter bilan shartnomani bekor qilganini e’lon qildi. Bu iste’fo biroz g‘ayrioddiy ko‘rinmoqda.
Chunki “Vest Hem” jamoasi murabbiyni ishdan bo‘shatganini aynan qaysi paytda ma’lum qilgani e’tiborga molik. Juma kuni Potter o‘yin oldi matbuot anjumanida ishtirok etib, yaqin orada iste’foga chiqarilish haqidagi mish-mishlarga javob bergan edi.
Odatda, murabbiyning matbuot anjumanida qatnashishi uning jamoani kamida navbatdagi o‘yinda boshqarishini anglatadi. Ammo bu safar holat boshqacha bo‘ldi — Potter matbuot bilan uchrashganidan keyingi kuni ishdan bo‘shatildi.
“Vest Hem” jamoasining keyingi o‘yini 29 sentabrda bo‘lib o‘tadi va ular “Everton” jamoasining maydonida maydonga tushadi. Shuni ta’kidlash joizki, bu mavsumda Angliya Premer Ligasında birinchi murabbiy almashtirish “Nottingem Forest” jamoasida amalga oshirilgan bo‘lib, u yerda Anje Postekoglu Nunu Eshpiritu Santu o‘rnini egallagan edi.
