Portugaliya terma jamoasining hujumchisi Rafael Leau yaqinlashib kelayotgan Vengriya bilan o‘yinida maydonga tusha olmaydi. Bu haqda Euro-football.ru xabar berdi.
Ushbu uchrashuv seshanba kuni bo‘lib o‘tadi. 26 yoshli futbolchi jamoaning yakshanba kuni bo‘lib o‘tgan mashg‘ulotida qatnashmadi.
Portugaliya terma jamoasi matbuot xizmatining xabariga ko‘ra, Rafael Leau jamoa tarkibidan chiqarildi va uning oktyabr oyidagi yig‘ini yakunlandi. Ushbu qaror bosh murabbiy Roberto Martinesning futbolchining jismoniy holatini baholashidan so‘ng qabul qilindi.
Oldingi o‘yinda, 11 oktyabrda Irlandiya jamoasiga qarshi kechgan bahsda, Rafael Leau 61-daqiqada Pedru Netuning o‘rniga maydonga tushgan edi. Ushbu o‘yin Portugaliya jamoasining kichik hisobdagi g‘alabasi bilan yakunlandi.
