Pepe Ronalduning futbol faoliyatini uzoq davom ettirishini istaydi
Sobiq portugal himoyachisi Pepe Krishtianu Ronalduning imkon qadar uzoqroq futbol o‘ynashini tilaydi. Bu haqda Euro-football.ru xabar berdi.
Pepe o‘zi 41 yoshida professional faoliyatini yakunlagan. Ronalduning esa kelasi yil fevral oyida 41 yoshga to‘lishi kutilmoqda.
Sobiq Madrid “Real”i va “Portu” jamoalari futbolchisining so‘zlariga ko‘ra, Ronalduning faoliyatini yakunlashi muxlislar uchun og‘ir kun bo‘ladi. Ular televizor qarshisida uning o‘yinini ko‘rmaslikka o‘rganishlari qiyin bo‘ladi.
Krishtianu Ronaldo Portugaliya terma jamoasida 224 ta o‘yinda maydonga tushib, 141 ta gol urgan. Hozirda 40 yoshdagi hujumchining Saudiya Arabistonidagi “Al-Nasr” klubi bilan amaldagi shartnomasi 2027 yilning o‘rtalarigacha mo‘ljallangan.
Futbolchi faoliyatini davom ettirishni istaydi va muxlislar uning o‘yinlarini ko‘rishda davom etishdan umidvor.
