«Bavariya» va Angliya terma jamoasi hujumchisi Garri Keyn o‘z karerasidagi eng qiyin lahzani esladi. Bu haqda Euro-football.ru xabar berdi.
Bu voqea 2022 yilgi jahon chempionatida yuz berdi. Angliya terma jamoasi chorak finalda Fransiyaga 1:2 hisobida mag‘lub bo‘ldi.
O‘yinning ikkinchi taymining oxirida Keyn hisobni tenglashtirish uchun penalti zarbasini amalga oshirish imkoniga ega edi, ammo uni aniq amalga oshira olmadi. Keyn The Telegraphga bergan intervyusida bu lahzani eng og‘ir payt deb atadi.
U ilgari final o‘yinlarida mag‘lub bo‘lgan bo‘lsa-da, o‘sha daqiqada uning bo‘yniga katta mas’uliyat tushganini ta’kidladi. Penalti zarbasini amalga oshira olmasligi uni qattiq qiynagan va bu holatni qabul qilish oson bo‘lmaganini bildirdi.
Shuningdek, Keyn o‘sha voqeadan so‘ng penalti zarbalarini bajarish texnikasini yaxshilaganini aytdi. Eslatib o‘tamiz, Angliya terma jamoasi 2026 yilgi jahon chempionatiga yo‘llanmani qo‘lga kiritgan birinchi Yevropa jamoasi bo‘ldi.
