«Vest Hem» g‘alaba qozondi, Jaka mojaroga aralashdi
Shanba kuni Angliya Premer-ligasining navbatdagi uchrashuvi bo‘lib o‘tdi. Bu haqda Zamin.uz xabar berdi.
Unda «Vest Hem» va «Sanderlend» jamoalari o‘zaro bellashishdi. «Vest Hem» birinchi bo‘limda juda faol harakat qilib, tanaffusgacha uchta gol urishga erishdi.
«Sanderlend» esa ikkinchi bo‘limda faqat bitta gol bilan javob qaytardi. O‘yin yakunida hisob 3:1 bo‘lib, «Vest Hem»ning foydasiga hal bo‘ldi.
Bu haqda euro-football.ru xabar berdi. Uchrashuvning so‘nggi daqiqalarida maydonda kutilmagan vaziyat yuzaga keldi.
«Sanderlend» jamoasi zaxira o‘rindig‘i atrofidagi vakillar orqa tribunada joylashgan muxlislar bilan tortishib ketishdi. Videolavhalardan ma’lum bo‘lishicha, ushbu bahsda eng faol ishtirokchilardan biri Granit Jaka bo‘lgan.
Yarim himoyachi ushbu uchrashuvda jarohati sabab jamoa tarkibiga kiritilmagan bo‘lsa-da, u stadionda jamoasi bilan birga edi. O‘yin tugagach, Jaka tribuna tomonga qarab nimanidir qichqirib, hatto muxlisni yaqinroq kelishga chorlagandek harakat qilgani kuzatildi.
Endi ushbu vaziyat intizomiy qo‘mita tomonidan ko‘rib chiqilishi kutilmoqda. Biroq yakuniy qaror hakam bayonnomasida ushbu voqea qanday qayd etilganiga bog‘liq bo‘ladi.
