Igor Diveev bolaligida nemis yulduzlari bilan suratga tushgan
Rossiya terma jamoasi va "Zenit" klubi futbolchisi Igor Diveev arxivdan o‘ziga xos suratni taqdim etdi. Bu haqda Zamin.uz xabar berdi.
Ushbu suratda u Germaniya milliy jamoasi futbolchilari Lukas Podolski, Bastian Shvaynshtayger va Mesut Ozil bilan birga aks etgan. Igor Diveev bu suratni 10 yoshida, 2010 yilgi Jahon chempionati saralashi doirasidagi Rossiya va Germaniya o‘yinidan oldin tushirgan.
O‘sha vaqtda yosh Diveev Germaniya futbolchilari bilan birga maydonga chiqib borgan. Bu uning terma jamoa bilan maydonga ilk chiqishi bo‘lgan.
Diveev bu voqeani eslab, “Terma jamoamiz bilan birinchi marta maydonga chiqishim! To‘g‘ri, Podolski, Shvaynshtayger va Ozil bilan birga,” deb izoh qoldirgan.
Ma’lumki, 2009 yilning oktyabr oyida Moskvadagi “Lujniki” stadionida bo‘lib o‘tgan o‘yinda Rossiya Germaniyaga 0:1 hisobida mag‘lub bo‘lgan. O‘yindagi yagona golni Miroslav Kloze kiritgan.
Manba: euro-football.ru
