Linkoln Mourinyuni va’dasini bajarmaganlikda aybladi
"Fenerbahche" jamoasining sobiq futbolchisi Linkoln portugaliyalik murabbiy Joze Mourinyuni keskin tanqid qildi. Bu haqda Zamin.uz xabar berdi.
U Mourinyuni va’dasini bajarmaganlikda aybladi. Bu haqda euro-football.ru xabar berdi.
Linkolnning so‘zlariga ko‘ra, u "Xall Siti" klubiga ijaraga ketishidan oldin Mourinyu bilan suhbatlashgan. Murabbiy unga Portugaliyadagi yozgi mashg‘ulot yig‘inida qatnashishini aytgan.
Futbolchi "Xall Siti"dagi mavsumini yakunlab, mashg‘ulotlar uchun chaqiruv kutgan, biroq keyinchalik Mourinyu u bilan bog‘lanishdan bosh tortgan. "Men tarjimon orqali Mourinyuga murojaat qilishga harakat qildim, lekin u javob bermadi va sport direktoriga murojaat qilishimni aytdi.
Jamoa Portugaliyada edi, men ham shu yerda edim. Shunday bo‘lsa-da, u meni Istanbulga jo‘natib, alohida mashg‘ulot o‘tkazishni buyurdi.
Bu menga nisbatan adolatsiz va hurmatsiz munosabat edi", — dedi Linkoln Fanatik nashriga bergan intervyusida. Shuningdek, Linkoln o‘z pozitsiyasidan tashqarida o‘ynagan bo‘lsa ham, jamoaga yordam berishga harakat qilganini ta’kidladi.
U og‘ir jarohatdan so‘ng murabbiy va jamoadan qo‘llab-quvvatlash kutganini, ammo buni his qilmaganini qo‘shimcha qildi. "Joze Mourinyu ko‘plab yutuqlarga erishgan, bu inkor etib bo‘lmaydi.
Ammo hayotda insonning xarakteri unvonlardan muhimroq", — deya o‘z fikrini yakunladi sobiq futbolchi. Hozirda Joze Mourinyu "Benfika" klubini boshqarmoqda.
