Jikiya Antalyasporda qoladi: agent izohi

Antalyaspor himoyachisi Georgiy Jikiyaning kelajagi borasida tarqalgan ma'lumotlarga uning agenti Vladimir Kuzmichyov izoh berdi. Bu haqda Zamin.uz xabar berdi.

Bu haqda *euro-football.ru* xabar bermoqda. Agentning so‘zlariga ko‘ra, Jikiyaning jismoniy holati yaxshi va u klub murabbiylar shtabining ishonchini qozongan.

So‘nggi o‘yinlarda maydonga tushmagani mikrojarohatlar bilan bog‘liq bo‘lgan. Hozir esa futbolchi to‘liq tiklangan va navbatdagi uchrashuvlarda tarkibga qaytishi kutilmoqda.

Avvalroq ommaviy axborot vositalarida Antalyaspor klubi Spartakning sobiq sardori bilan xayrlashmoqchi ekani haqida xabarlar tarqalgan edi. Biroq agent bu ma'lumotlarni inkor etib, Jikiyaning klubdagi mavqeini tasdiqladi.

Ma'lumotlarga ko‘ra, Jikiya joriy mavsumda Turkiya chempionatida 12 ta o‘yinda qatnashib, 2 ta gol urishga muvaffaq bo‘lgan. Futbolchining Antalyaspor bilan imzolagan shartnomasi 2027 yilning o‘rtalarigacha amal qiladi.