Denis Makarov "Kayserispor" bilan yarim yillik shartnoma tuzdi
27 yoshli futbolchi Denis Makarov Turkiyaning "Kayserispor" klubi bilan shartnoma imzolaganini ma’lum qildi. Bu haqda Zamin.uz xabar berdi.
Bu haqda euro-football.ru xabar berdi. Makarovning so‘zlariga ko‘ra, u Turkiyaga o‘tish jarayoniga oldindan tayyor bo‘lgan.
Qishki mashg‘ulot yig‘inlari boshlanishidan oldinroq u boshqa klubga o‘tishi mumkinligini his qilib, buyumlarini yig‘ishtirgan. Futbolchi agenti Aleksey unga Turkiyadan taklif borligini aytganida, Makarov darhol rozi bo‘lgan.
Uning ta’kidlashicha, yangi chempionat va yangi his-tuyg‘ular unga qiziq tuyulgan. "Kayserispor" klubining murabbiyi va sport direktori bilan bo‘lib o‘tgan suhbatdan so‘ng tomonlar tezda kelishuvga erishgan.
Avval Moskvaning "Dinamo" klubida o‘ynagan Makarov turk klubi bilan yarim yillik shartnoma imzoladi. Ushbu kelishuvda shartnomani uzaytirish imkoniyati ko‘zda tutilmagan.
Makarov yangi jamoasi bilan faoliyatini davom ettirishdan mamnunligini bildirgan.
