«Latsio» Shelderup transferidan voz kechishi mumkin

Rimning «Latsio» futbol klubi Portugaliyaning «Benfika» jamoasida to‘p surayotgan yarim himoyachi Andreas Shelderupni transfer qilish rejasidan voz kechishi mumkin. Bu haqda Zamin.uz xabar berdi.

Bu haqda A Bola nashri xabar bermoqda. Avvalroq «Latsio» rahbariyati norvegiyalik futbolchining vakillari bilan muzokaralar olib borgan va kelishuv yakunlanishiga yaqin edi.

Biroq Andreas Shelderup UEFA Chempionlar ligasida Madridning «Real» klubiga qarshi o‘yinda muvaffaqiyatli ishtirok etgani tufayli «Benfika» rahbariyatining futbolchi bilan shartnomani uzaytirishga bo‘lgan qiziqishini oshirdi. Shu sababli «Latsio» klubi Shelderupni maqbul narxda qo‘lga kiritish qiyin bo‘lishini taxmin qilmoqda.

Shelderup joriy mavsumda «Benfika» safida 26 o‘yinda maydonga tushib, 4 ta gol urdi va 3 ta golli uzatma amalga oshirdi. Transfermarkt portali ma’lumotiga ko‘ra, futbolchining bozor qiymati hozirda 14 million yevroga baholanmoqda.