Ronaldu "Al-Nasr"dan ketishi, o‘rniga Salah kelishi mumkin
Krishtianu Ronaldu oxirgi vaqtlarda "Al-Nasr" klubi boshqaruviga norozi ekanini bildirmoqda. Bu haqda Zamin.uz xabar berdi.
Shu sababdan, u jamoaning so‘nggi ikki uchrashuvida maydonga tushmadi. Ma’lumotlarga ko‘ra, Saudiya Arabistoni klubi 41 yoshli portugaliyalik futbolchini qo‘yib yuborishga tayyor.
Bu haqda euro-football.ru xabar berdi. Saudiya Arabistoni Pro-ligasi rahbariyati Ronaldu o‘rnini boshqa bir jahon darajasidagi futbolchi bilan to‘ldirishni rejalashtirmoqda.
Ularning asosiy e’tibori hozirda "Liverpul" klubi yetakchisi Mohamed Salahga qaratilgan. Shu bilan birga, muqobil variant sifatida "Manchester Yunayted" futbolchisi Bruno Fernandesh ham ko‘rib chiqilmoqda.
Bu ma’lumot Transfer News Live tomonidan The i Paper’ga asoslanib tarqatilgan. Avval ham OAVda 33 yoshli Mohamed Salah va 31 yoshli Bruno Fernandeshni Saudiya klublari bilan bog‘lashgan edi.
Transfermarkt ma’lumotlariga ko‘ra, Salahning transfer qiymati 30 million yevro, Fernandeshning esa 40 million yevro atrofida baholanmoqda. Hozirda "Al-Nasr" Saudiya Pro-ligasi turnir jadvalida ikkinchi o‘rinni egallab turibdi.
