Ronaldu Al-Nasrdan ketishni jiddiy o‘ylamoqda
Al-Nasr klubi hujumchisi Krishtianu Ronaldu jamoani tark etish masalasini jiddiy o‘ylab ko‘rmoqda. Bu haqda Zamin.uz xabar berdi.
Saudiya Arabistoni matbuotining ma’lumotlariga ko‘ra, portugaliyalik futbolchi klubning ayrim transfer rejalarining to‘xtatilishi va bu holatning jamoaning chempionlik imkoniyatlariga salbiy ta’sir ko‘rsatganidan norozi. Bu haqda "Euro-football.ru" xabar bermoqda.
Ronaldu, ayniqsa, Al-Hilol jamoasiga nisbatan ijobiyroq munosabat mavjudligidan qoniqmayapti. U o‘zining e’tirozlari va talablariga e’tibor qaratilmasa, mavsum yakunida Saudiya Arabistoni chempionatini tark etishi mumkinligini bildirgan.
Shu sababli, futbolchi so‘nggi ikki o‘yinda ishtirok etmagan va hozircha maydonga qaytishni rejalashtirmayotgani haqida ma’lumot berilgan. Ronaldu Saudiya Arabistoni Davlat investitsiya jamg‘armasining jamoaga ta’siri va qarorlarini ham tanqid qilmoqda.
Bu masalalar jamoaning ichki muhitiga ta’sir ko‘rsatishi mumkin. Futbolchining kelajagi mavsum yakuniga qadar qanday hal etilishi hozircha noma’lum.
