Endrik Braziliya terma jamoasiga chaqirilishi kutilmoqda
Qishda “Real” klubi hujumchisi Endrik ijara asosida Fransiyaning “Lion” jamoasiga o‘tdi va u yangi klubida o‘zini yaxshi tomondan ko‘rsata boshladi. Bu haqda Zamin.uz xabar berdi.
Shu sababli, Braziliya terma jamoasi bosh murabbiyi Karlo Anchelotti futbolchini navbatdagi yig‘inga chaqirishni rejalashtirayotgani haqida xabarlar tarqaldi. Bu haqda *euro-football.ru* ma’lumot berdi.
The Touchline nashrining L’Equipe manbasiga tayanib yozishicha, Endrik mart oyidagi xalqaro tanaffus chog‘ida Braziliya terma jamoasining asosiy markaziy hujumchisi sifatida o‘ynashi kutilmoqda. Mazkur davrda Braziliya jahon chempionatiga tayyorgarlik doirasida Fransiya va Xorvatiya terma jamoalariga qarshi o‘rtoqlik uchrashuvlarini o‘tkazadi.
Shuningdek, eslatib o‘tamiz, jahon chempionati bu yil yozda AQSh, Kanada va Meksika mezbonligida bo‘lib o‘tadi. Bu musobaqada Braziliya terma jamoasi ham kuchli tarkib bilan ishtirok etishi kutilmoqda.
Endrikning yaxshi o‘yini esa murabbiylar shtabi e’tiborini o‘ziga qaratmoqda.
