Brel Embolo avtomobilini o‘g‘irlashga urinishdi

Shveytsariya terma jamoasi va Fransiyaning "Renn" klubi hujumchisi Brel Embolo yaqinda huquq-tartibot idoralariga murojaat qildi. Bu haqda Zamin.uz xabar berdi.

Futbolchining avtomobili noma’lum shaxslar tomonidan o‘g‘irlashga urinish holati qayd etilgan. Ushbu voqea haqida euro-football.ru sayti xabar berdi.

Fransiyaning Le Parisien nashri ma’lumotiga ko‘ra, hodisa 7-fevral kuni sodir bo‘lgan. Jinoyatchilar futbolchining bir necha yuz ming yevroga baholanadigan mashinasini olib qochmoqchi bo‘lishgan.

Ammo ularning rejalari amalga oshmagan. Embolo politsiyaga murojaat chog‘ida, bundan avval ham, ya’ni to‘rt kun oldin shunga o‘xshash hodisa yuz berganini ma’lum qilgan.

Ma’lumot uchun, 28 yoshli Brel Embolo joriy mavsumda barcha musobaqalarda jami 21 o‘yinda ishtirok etgan. U mazkur o‘yinlarda 7 ta gol urib, 2 ta golli uzatma amalga oshirgan.