Ronaldu kelajagi Jezush qaroriga ta’sir qilmoqda
"Al-Nasr" futbol klubida Krishtianu Ronaldu bilan bog‘liq vaziyat jamoa bosh murabbiyi Jorje Jezushning kelajagiga bevosita ta’sir qilishi mumkin. Bu haqda Zamin.uz xabar berdi.
Bu haqda euro-football.ru xabar bermoqda. Ma’lum bo‘lishicha, portugaliyalik murabbiy "Al-Nasr" bilan shartnoma tuzishda vatandoshi Krishtianu Ronalduning jamoada o‘ynayotganini inobatga olgan.
Ammo hozirda 41 yoshli hujumchi jamoaning o‘yinlarida ishtirok etmayotgani va yozda klubni tark etishi ehtimoli haqida xabarlar tarqalmoqda. Saudiya Arabistonining mahalliy ommaviy axborot vositalariga ko‘ra, Jezush Ronaldu bilan bog‘liq masala hal bo‘lmaguncha yangi shartnoma bo‘yicha muzokaralarni boshlashni istamayotganini bildirgan.
71 yoshli murabbiyning amaldagi shartnomasi mavsum oxirida yakunlanadi. Eslatib o‘tamiz, Jorje Jezush 2025 yil iyul oyida "Al-Nasr" bosh murabbiyi etib tayinlangan.
U bunga qadar ikki yil davomida Saudiya Arabistonining boshqa bir yirik klubi – "Al-Hilol"ni boshqargan.
