Moxamed Salah bobosi vafoti sabab mashg‘ulotlardan chetda qolishi mumkin
"Liverpul" futbol klubi hujumchisi Moxamed Salah oilasida og‘ir kunlar boshdan kechmoqda. Bu haqda Zamin.uz xabar berdi.
Jurnalist Ismoil Mahmudning ma’lum qilishicha, futbolchining bobosi vafot etgan. Bu haqda euro-football.ru sayti xabar berdi.
Hozircha voqea tafsilotlari oshkor qilinmagan. Ayrim manbalarga ko‘ra, Salah bobosini oxirgi yo‘lga kuzatish uchun bir muddat jamoa mashg‘ulotlaridan chetda qolishi mumkin.
Ma’lumki, "Liverpul" jamoasi o‘tgan yakshanba kuni o‘z maydonida "Manchester Siti"ga qarshi o‘yinda 1:2 hisobida mag‘lubiyatga uchragan edi. Yangi haftada esa mersisaydliklarni ikki muhim uchrashuv kutmoqda: Angliya Premer-ligasi doirasida "Sanderlend"ga qarshi o‘yin va Angliya Kubogi doirasida "Brayton" bilan bahs.
Shuningdek, 2025/2026 yilgi mavsumda Salah 25 ta uchrashuvda ishtirok etib, 6 ta gol urgan va 6 ta golli uzatmani amalga oshirgan. Bu ko‘rsatkich uning jamoa uchun muhim o‘yinchi ekanligini yana bir bor tasdiqlaydi.
