Denis Makarov jarohat sabab noma’lum muddatga safdan chiqdi

Turkiyaning "Kayserispor" futbol klubida to‘p surayotgan rossiyalik yarim himoyachi Denis Makarov jarohat olgani sababli noma’lum muddatga safdan chiqdi. Bu haqda Zamin.uz xabar berdi.

Bu haqda klubning matbuot xizmati xabar berdi. Shuningdek, mazkur ma’lumotni euro-football.ru sayti ham tasdiqladi.

Klub tomonidan berilgan ma’lumotlarga ko‘ra, tibbiy ko‘rik natijasida futbolchining o‘ng son sohasidagi mushaklar guruhida yengil darajadagi shikastlanish va shish aniqlangan. Hozirda Makarovning sog‘lig‘i tiklanishi uchun zaruriy davolash ishlari olib borilmoqda.

Denis Makarov "Kayserispor" safida 3-fevral kuni "Galatasaray"ga qarshi o‘yinda debyut qilgan edi. Ushbu uchrashuv 0:4 hisobida raqib jamoaning g‘alabasi bilan yakunlandi.

Ayni paytda "Kayserispor" Turkiya chempionati turnir jadvalida 17-o‘rinda bormoqda va ligada qolish uchun kurash olib bormoqda. Ma’lumki, Makarov avvalroq Moskvaning "Dinamo" klubida o‘ynagan va keyinchalik erkin agent sifatida jamoani tark etgan.

Hozirda uning maydonga qaytish muddati haqida aniq ma’lumot yo‘q.