“Inter” Dimarko bilan 2030 yilgacha shartnoma imzolaydi
Milanning “Inter” futbol klubi himoyachisi Federiko Dimarko bilan yangi shartnoma imzolashga yaqin turibdi. Bu haqda Zamin.uz xabar berdi.
Ushbu kelishuv 2030 yilgacha amal qilishi kutilmoqda. Bu haqda insayder Nikolo Skira o‘zining ijtimoiy tarmoqlardagi sahifasida xabar bergan.
Ma’lumot “Euro-football.ru” manbasida e’lon qilingan. Dimarkoga Angliya Premyer-ligasining bir nechta klubi qiziqish bildirgani haqida ham xabarlar bor.
Biroq bu qiziqish hozircha aniq takliflarga aylanmagan. Shunga qaramay, “Inter” ham, futbolchi ham o‘zaro hamkorlikni davom ettirishni afzal ko‘rayotgani aytilmoqda.
28 yoshli Federiko Dimarko “Inter” akademiyasi tarbiyalanuvchisi hisoblanadi. U faoliyati davomida “Sion”, “Parma”, “Verona” va “Ascoli” klublarida ijarada o‘ynagan.
Keyinchalik esa yana “Inter” safiga qaytib, klubning asosiy futbolchilaridan biriga aylangan. Dimarko joriy mavsumda 31 ta o‘yinda maydonga tushib, 6 ta gol urgan va 13 ta golga assistentlik qilgan.
Hozirda uning “Inter” bilan amaldagi shartnomasi 2027 yilgacha mo‘ljallangan. Transfermarkt ma’lumotlariga ko‘ra, futbolchining qiymati 50 million yevroga baholanmoqda.
