Rossiya va Isroil o‘rtasida o‘yin o‘tkazilishi mumkin
Sobiq SSSR terma jamoasining darvozaboni Aleksandr Uvarov Rossiya va Isroil milliy jamoalari yaqin yillarda o‘rtoqlik uchrashuvida to‘qnash kelishi mumkinligini aytdi. Bu haqda Zamin.uz xabar berdi.
Hozirda u Tel-Avivning "Makkabi" futbol klubida yoshlar jamoasi darvozabonlari bilan ishlamoqda. Bu haqda euro-football.ru sayti xabar berdi.
Uvarovning so‘zlariga ko‘ra, bunday o‘yinlarni tashkil qilishga jiddiy to‘siqlar yo‘q. Agar Rossiya tomoni tashabbus ko‘rsatsa, 2026 yilda ushbu uchrashuvni o‘tkazish imkoni mavjud.
U shuningdek, Rossiya va Isroil futbol federatsiyalari o‘rtasidagi munosabatlarning ijobiy ekanini ham ta’kidladi. Ma’lumki, xalqaro sanksiyalar sababli Rossiya terma jamoasi hozircha faqat o‘rtoqlik o‘yinlarini o‘tkazmoqda.
Shu bilan birga, mart oyida rejalashtirilgan yig‘in doirasida qaysi jamoalar bilan o‘yin o‘tkazilishi hozircha ma’lum emas.
