Ronaldu «Al-Nasr»dagi talablariga erishdi
Krishtianu Ronaldu o‘z norozilik harakatini yakunlamoqda. Bu haqda Zamin.uz xabar berdi.
Kutilishicha, portugaliyalik futbolchi yaqin dam olish kunlari Saudiya Arabistoni chempionati doirasida «Al-Fateh» jamoasiga qarshi o‘yinda maydonga tushadi. Bu haqda euro-football.ru xabar berdi.
A Bola nashrining ma’lumotiga ko‘ra, Ronaldu tomonidan bildirilgan bosim natijasida «Al-Nasr» rahbariyati uning ikki muhim talabini bajargan. Avvalo, klub rahbariyati so‘nggi paytlarda to‘planib qolgan xodimlar oldidagi qarzdorliklarni to‘liq bartaraf etdi.
Shuningdek, Ronalduga yaqin bo‘lgan sport sohasidagi mutaxassislar — Joze Semedu va Simao Kontinyo — o‘zlarining avvalgi vakolatlariga qaytarildi. Ma’lum qilinishicha, bu ikki mutaxassis qishki transfer jarayonida kerakli darajada faol ishtirok eta olmagan edi.
Hozirgi vaqtda «Al-Nasr» Saudiya Pro-ligasi turnir jadvalida ikkinchi o‘rinni egallab turibdi. Jamoa peshqadam «Al-Hilol»dan bir ochko ortda qolmoqda.
