Ronaldu "Al-Fateh"ga qarshi o‘yinda maydonga tushadi
Krishtianu Ronaldu o‘z norozilik aksiyasini yakunlashga yaqinlashmoqda. Bu haqda Zamin.uz xabar berdi.
Ma’lum qilinishicha, portugaliyalik futbolchi yaqin dam olish kunlari Saudiya Arabistoni chempionati doirasida "Al-Fateh" jamoasiga qarshi o‘tkaziladigan o‘yinda maydonga tushishi kutilmoqda. Bu haqda euro-football.ru xabar berdi.
Portugaliyalik sportchining talablariga ko‘ra, "Al-Nasr" rahbariyati ikki muhim masalani hal qilishga majbur bo‘ldi. Birinchidan, klub xodimlar oldidagi qarzdorliklarni bartaraf etdi.
Ikkinchidan, Ronalduga yaqin bo‘lgan sport bo‘limi vakillari – Joze Semedu va Simau Kontinyo – o‘z lavozimlariga qayta tiklandi. Avvalroq bu mutaxassislar qishki transfer oynasida faol ishtirok eta olmagandi.
Ayni paytda "Al-Nasr" Saudiya Arabistoni Pro-ligasi jadvalida ikkinchi o‘rinni egallab turibdi. Jamoa peshqadam "Al-Hilol"dan atigi bir ochko ortda qolmoqda.
Ronaldu va uning jamoasi chempionlik uchun kurashni davom ettirmoqda.
