Muhammad Salah “Liverpul”ni tark etishi mumkin

Yozgi transferlar davrida mashhur futbolchi Muhammad Salahning klubini o‘zgartirishi ehtimoli borligi haqida xabarlar tarqalmoqda. Bu haqda Zamin.uz xabar berdi.

Misrlik hujumchining joriy mavsumdagi o‘yinlari kutilgan darajada bo‘lmayotgani va avval murabbiy Arne Slot bilan yuzaga kelgan kelishmovchiliklar uning kelajagi borasidagi rejalarga ta’sir qilmoqda. Manbalarga ko‘ra, Salah shartnomasi yakunlanishiga bir yil qolganiga qaramay, “Liverpul” klubini tark etishi mumkin.

Bu haqda euro-football.ru xabar tarqatdi. Foot Mercato saytining yozishicha, Muhammad Salahning agenti allaqachon Saudiya Arabistonining “Al-Ittihod” klubi rahbariyati bilan muzokaralar olib bormoqda.

O‘tgan mavsumda bunday imkoniyatni rad etgan futbolchi bu yil Saudiya chempionatiga o‘tish variantiga ancha ochiq munosabat bildirmoqda. Ma’lumotlarga ko‘ra, Muhammad Salah yozda 34 yoshga to‘ladi.

Transfermarkt portali uni 30 million yevro qiymatida baholagan. Shu sababli, uning kelajakdagi transferi katta e’tiborni tortmoqda.

Saudiya futboli so‘nggi yillarda jahon yulduzlari uchun qiziqarli manzilga aylanganini inobatga olsak, Salahning bu qarori mantiqiy ko‘rinadi.