Ronaldu yozda "Al-Nasr"ni tark etishi mumkin
Krishtianu Ronaldu atrofidagi boykot masalasi sababli uning yozda Saudiya Arabistonining “Al-Nasr” klubidan ketishi mumkinligi haqidagi gap-so‘zlar yana kuchaymoqda. Bu haqda Zamin.uz xabar berdi.
The Sun nashri portugaliyalik futbolchining faoliyatini davom ettirishi mumkin bo‘lgan beshta klubni sanab o‘tdi. Bu haqda euro-football.ru xabar berdi.
Ro‘yxatda to‘rt klub avval ham ommaviy axborot vositalarida tilga olingan: Saudiya Arabistonining “Al-Hilol” klubi, Angliyaning “Manchester Yunayted” jamoasi, Portugaliyaning “Sporting” klubi va AQShning “Inter Mayami” klubi. Biroq, beshinchi variant ko‘pchilik uchun kutilmagan bo‘ldi.
Manbaga ko‘ra, 41 yoshli tajribali futbolchining Italiya A Seriyasidagi “Komo” klubiga o‘tishi ehtimoldan xoli emas. Ma’lum qilinishicha, klub egalari bo‘lgan indoneziyalik milliarderlar Ronalduga munosib shartnoma taklif qilish imkoniyatiga ega.
Eslatib o‘tamiz, Krishtianu Ronaldu avvalroq A Seriyada “Yuventus” klubi sharafini himoya qilgan va ushbu ligada katta tajriba to‘plagan. Shu sababli uning yana Italiya chempionatiga qaytishi ehtimoli futbol olamida qiziqish uyg‘otmoqda.
