Ronaldu "Arkadag"ga qarshi o‘yinda maydonga tushmaydi

"Al-Nasr" futbol klubi bosh murabbiyi Jorje Jezush Krishtianu Ronalduning navbatdagi o‘yinda maydonga tushmasligi sabablarini tushuntirdi. Bu haqda Zamin.uz xabar berdi.

Bu haqda "euro-football.ru" xabar berdi. Ar-Riyod jamoasi chorshanba kuni OFK Chempionlar ligasi doirasida "Arkadag" klubiga qarshi o‘ynashi kerak.

Portugaliyalik yulduz hujumchi Krishtianu Ronalduning yaqin orada maydonga qaytishi kutilayotgan edi. Ammo keyingi uchrashuvda ham u tarkibda bo‘lmaydi.

Murabbiy Jorje Jezushning so‘zlariga ko‘ra, jamoa tig‘iz o‘yinlar jadvali sababli Ronalduga va asosiy tarkibdagi boshqa bir qancha futbolchilarga dam berishga qaror qilgan. U yaqinlashib kelayotgan "Al-Fateh"ga qarshi muhim uchrashuvni alohida ta’kidlab o‘tdi va bu o‘yinga jiddiy tayyorgarlik ko‘rilayotganini ma’lum qildi.

Shuningdek, Jezush Ronalduning Saudiya Arabistonidan tashqaridagi o‘yinlarda qatnashmasligi yangi holat emasligini eslatib, bunday vaziyatlar ilgari ham bir necha bor kuzatilganini qayd etdi. Saudiya chempionati doirasidagi "Al-Fateh" – "Al-Nasr" uchrashuvi joriy yil 14-fevral, shanba kuni bo‘lib o‘tishi rejalashtirilgan.