Ronaldu oilasi sport zalida vaqt o‘tkazdi

Krishtianu Ronaldu va uning turmush o‘rtog‘i Jorjina Rodriges sport zalida o‘tgan vaqtlarini ijtimoiy tarmoq orqali kuzatuvchilari bilan bo‘lishdi. Bu haqda Zamin.uz xabar berdi.

Jorjina o‘zining sahifasida Ronaldu gantellar bilan shug‘ullanayotgan suratni joylashtirdi. Ushbu suratda mashhur futbolchining yonida uning qizlaridan biri ham bor.

Qizaloq ham kichikroq va pushti rangdagi gantelni ushlab turibdi. Jorjina surat ostida qisqa qilib “Dada” deb izoh qoldirgan.

Avvalroq Jorjina Rodriges Ronalduga tug‘ilgan kuni munosabati bilan tabrik yo‘llagan post ham chiqargan edi. Qiziq tomoni, bu tabrik futbolchining 41 yoshga to‘lganidan bir kun o‘tib e’lon qilingan.

So‘nggi vaqtlarda Krishtianu Ronaldu Saudiya Arabistonining “An-Nasr” klubidagi bir nechta o‘yinlarda maydonga tushmadi. OAV xabarlariga ko‘ra, portugaliyalik futbolchi klub rahbariyatidan norozi bo‘lgani uchun o‘yinlarni boykot qilayotgani haqida mish-mishlar tarqalgan.

Bu haqda batafsil ma’lumotni euro-football.ru sayti orqali o‘qishingiz mumkin.