Ronaldu mashg‘ulotda qizi bilan shug‘ullandi
Jorjina Rodriges ijtimoiy tarmoqlarda Krishtianu Ronalduning navbatdagi mashg‘ulotidan lavha joylashtirdi. Bu haqda Zamin.uz xabar berdi.
Ushbu suratda taniqli futbolchi sport zalida gantel ko‘tarib shug‘ullanayotgani aks etgan. Bu haqda euro-football.ru xabar bergan.
Suratda 41 yoshli futbolchining qizlaridan biri ham ko‘rinadi. U kichik o‘lchamdagi pushti gantel ushlab, otasi bilan birga mashg‘ulotda ishtirok etmoqda.
Rodriges mazkur suratga qisqagina izoh qoldirgan: "Dada". Shuningdek, Jorjina Rodriges avvalroq Ronalduni tug‘ilgan kuni bilan tabriklagan post e’lon qilgan edi.
Qiziq jihati shundaki, bu tabrik futbolchining 41 yoshga to‘lganidan bir kun o‘tib joylashtirilgan. Hozirda Krishtianu Ronaldu "An-Nasr" klubining so‘nggi bir nechta o‘yinlarida qatnashmagan.
Ommaviy axborot vositalarida portugaliyalik futbolchi klub rahbariyatidan norozi bo‘lgani sababli o‘yinlarni boykot qilayotgani haqida xabarlar tarqalgan.
