Ronaldu Osiyo Chempionlar Ligasi o‘yinida qatnashmaydi
"Al-Nasr" futbol klubi bosh murabbiyi Jorje Jezus Krishtianu Ronaldu navbatdagi o‘yinda maydonga tushmasligining sababini tushuntirdi. Bu haqda Zamin.uz xabar berdi.
Bu haqda euro-football.ru sayti xabar berdi. Ar-Riyod klubi chorshanba kuni Osiyo Chempionlar Ligasi doirasida Turkmanistonning "Arkadag" jamoasiga qarshi o‘yin o‘tkazadi.
Portugaliyalik yulduz hujumchi Ronaldu o‘z jamoasiga qaytishi kutilayotgan bo‘lsa-da, aynan shu uchrashuvda u ishtirok etmaydi. Murabbiy Jezusning aytishicha, jamoa so‘nggi haftalarda zich taqvimda ko‘plab o‘yinlar o‘tkazgani sababli Ronaldu va asosiy tarkibdagi ba’zi futbolchilarga dam berishga qaror qilingan.
Bu qaror esa oldinda turgan Saudiya Arabistoni chempionatidagi "Al-Fateh" jamoasiga qarshi muhim uchrashuv bilan bog‘liq. Shuningdek, murabbiy Krishtianu Ronaldu uchun dam olish odatiy hol ekanligini ta’kidladi.
Uning Saudiya Arabistonidan tashqarida bo‘lib o‘tadigan ayrim o‘yinlarda ishtirok etmasligi avval ham kuzatilgan. Saudiya Pro-ligasidagi "Al-Fateh" va "Al-Nasr" jamoalari o‘rtasidagi o‘yin 14-fevral, shanba kuni bo‘lib o‘tadi.
