Buffon: Espozito — Italiya futbolining kelajagi

Turinning “Yuventus” klubi va Italiya terma jamoasining sobiq darvozaboni Janluiji Buffon hozirgi vaqtda Italiya futbolining eng istiqbolli futbolchisi haqida o‘z fikrlarini bildirdi. Bu haqda Zamin.uz xabar berdi.

Unga ko‘ra, bu futbolchi — Milanning “Inter” klubi hujumchisi Pio Espozito. Bu haqda euro-football.ru xabar bergan.

Buffon Espozitoni shaxsan kuzatganini ta’kidlab, uning o‘yinidan katta taassurot olganini qayd etdi. U Espozitoning kamtarligi, professionalligi va maydondagi ishtiyoqini alohida ta’kidladi.

Buffonning fikricha, Espozito terma jamoada ham o‘zini ko‘rsatishga qodir. U shunday dedi: “Men uni jahon chempionati uchun Italiya terma jamoasi tarkibiga hech ikkilanmasdan olgan bo‘lardim”.

Eslatib o‘tish joiz, ayni paytda Milanning “Inter” klubi Italiya A Seriyasi turnir jadvalida peshqadamlik qilmoqda. Shu sababdan klubning o‘yinchilari va ularning ko‘rsatayotgan natijalari futbol jamoatchiligi tomonidan katta e’tiborda.