Ronaldu qizi bilan sport zalida mashq qildi
Krishtianu Ronalduning turmush o‘rtog‘i Jorjina Rodriges ijtimoiy tarmoqlarda yangi surat bilan bo‘lishdi. Bu haqda Zamin.uz xabar berdi.
Ushbu suratda Ronalduning sport zalida mashq qilayotgani aks etgan. 41 yoshli futbolchi gantel ko‘tarib, jismoniy mashg‘ulotlarini davom ettirayotgan bir paytda, uning yonida qizlaridan biri ham borligi ko‘rinadi.
Qizi kichikroq, pushti rangdagi gantel ushlab, dadasi bilan birga shug‘ullanmoqda. Jorjina suratga qisqa izoh yozib qoldirgan: «Dada».
Ma’lum bo‘lishicha, Jorjina Rodriges yaqinda Ronalduni tug‘ilgan kuni bilan tabriklagan. Ammo ushbu tabrik post futbolchining 41 yoshga to‘lgan kunidan bir kun o‘tib e’lon qilingan va bu ham muxlislar orasida e’tiborni tortgan.
Shu bilan birga, Ronalduning «Al-Nasr» klubi safidagi so‘nggi o‘yinlarda ishtirok etmagani haqida xabarlar tarqaldi. Ayrim manbalarga ko‘ra, portugaliyalik futbolchi klub boshqaruvidan norozi bo‘lgani sababli uchrashuvlarni o‘tkazib yuborgan bo‘lishi mumkin.
Bu borada hozircha rasmiy ma’lumotlar berilmagan. Manba: euro-football.ru.
