Naumov: Mourinyo uchun Saudiya Arabistoni qulay variant
"Lokomotiv" klubining sobiq prezidenti Nikolay Naumov "Benfika" bosh murabbiyi Joze Mourinyo faoliyatini qaysi yo‘nalishda davom ettirishi mumkinligi haqida fikr bildirdi. Bu haqda Zamin.uz xabar berdi.
Bu haqda u "Yevro-Futbol.Ru" nashriga bergan intervyusida gapirdi. Naumovning ta’kidlashicha, Mourinyoning eng kuchli davrlari ortda qolgan va unga biroz tanaffus qilish foydali bo‘lishi mumkin.
Unga ko‘ra, Mourinyo avvallari o‘zining noodatiy va kutilmagan qarorlari bilan mashhur edi, ammo bugungi kunda u ko‘proq oddiy va standart qarorlarni tanlaydigan murabbiyga aylangan. Naumovning fikriga ko‘ra, Mourinyo uchun Saudiya Arabistoni chempionati eng qulay variant bo‘lishi mumkin.
Chunki u yerda yuqori maoshlar, shov-shuvga moyil muhit va tajribali, yoshi katta futbolchilar bilan ishlash imkoniyati mavjud. U aynan shu sharoit portugaliyalik mutaxassisga mos kelishini ta’kidladi.
Shuningdek, Mourinyo boshchiligidagi "Benfika" jamoasi Chempionlar ligasining 1/16 finalida Madridning "Real" jamoasiga qarshi bahs olib boradi. Uchrashuvning birinchi o‘yini 17-fevral kuni Portugaliyada o‘tkazilishi rejalashtirilgan.
Manba: euro-football.ru
