Palermo Lautaro Martinesni Yevropaning eng kuchli hujumchisi dedi

Argentina terma jamoasining sobiq hujumchisi Martin Palermo vatandoshi, “Inter” klubi hujumchisi Lautaro Martinesning o‘yinini yuqori baholadi. Bu haqda Zamin.uz xabar berdi.

Bu haqda euro-football.ru xabar bermoqda. Palermoning fikricha, aynan Lautaro Martines hozirda Yevropadagi eng kuchli hujumchilardan biri hisoblanadi.

U raqib darvozasiga doim xavf soladi, muntazam gol uradi va faqat zarba berish bilan cheklanmay, zarurat tug‘ilganda orqaroqqa qaytib, jamoaning kombinatsion o‘yinlarida ham faol ishtirok etadi. Palermo Lautaroni maydonda juda ko‘p harakat qiluvchi futbolchi sifatida ta’rifladi.

U qanotlarga aniq pas uzatadi, tez yuguradi va bu bilan hujum chizig‘iga katta foyda keltiradi. Shuningdek, Lautaroning jamoaviy o‘yinga moslashuvchanligi va samaradorligi uning asosiy kuchli tomonlari ekanligini alohida ta’kidladi.

Italiya A Seriyasining joriy mavsumida 28 yoshli Lautaro Martines 24 ta o‘yinda maydonga tushib, 14 ta gol urdi va 4 ta golli uzatmaga mualliflik qildi. Bu ko‘rsatkichlar uning nafaqat klubida, balki Yevropa futbolida ham yetakchi hujumchilardan biri ekanligini ko‘rsatmoqda.