Tomas Partiga jinsiy zo‘ravonlik bo‘yicha yangi ayblovlar qo‘yildi
"Vilyarreal" futbol klubi yarim himoyachisi Tomas Partiga nisbatan yangi ayblovlar ilgari surildi. Bu haqda Zamin.uz xabar berdi.
Daily Mail xabariga ko‘ra, Gana milliy terma jamoasi a’zosi jinsiy zo‘ravonlik bo‘yicha yana ikki holatda ayblanmoqda. Bu haqda euro-football.ru ma’lumot bermoqda.
Avvalroq Partiga nisbatan sud jarayoni boshlangan edi. Unga ikki ayolning arizasi asosida to‘rtta jinsiy zo‘ravonlik holati bo‘yicha ayblov qo‘yilgan.
Futbolchi esa barcha ayblarni qat’iyan rad etib, o‘zining aybsizligini ta’kidlamoqda. Mazkur ish bo‘yicha yangi ochilgan holatlar bo‘yicha dastlabki sud eshituvlari 13 mart kuni o‘tkazilishi rejalashtirilgan.
Tomonlarning dalillari va sud jarayonining keyingi bosqichlari ushbu kunda aniqlashtiriladi. Ma’lumki, Tomas Parti yozgi transferlar mavsumida Ispaniyaga ko‘chib o‘tgan edi.
Joriy mavsum davomida u 21 uchrashuvda maydonga tushgan bo‘lsa-da, hozircha na gol urgan va na golli uzatma amalga oshirgan. Hozirda futbolchining faoliyati va huquqiy holati atrofida turli muhokamalar davom etmoqda.
