Laimer va "Bavariya" yangi shartnoma bo‘yicha kelisha olmadi
Myunxenning "Bavariya" klubi avstriyalik futbolchi Konrad Laimer bilan yangi shartnoma bo‘yicha muzokaralar olib bormoqda. Bu haqda Zamin.uz xabar berdi.
Hozircha tomonlar o‘zaro kelishuvga erishgani yo‘q. Laimerning amaldagi shartnomasi 2027 yilning o‘rtalarigacha amal qiladi.
Klub esa ushbu muddat tugashini kutmasdan, futbolchi bilan shartlarni yangilashni rejalashtirmoqda. Bu haqda euro-football.ru xabar berdi.
Ma’lum bo‘lishicha, Laimer yiliga bonuslar bilan birga 15 million yevro maosh talab qilmoqda. Biroq "Bavariya" bu miqdordan pastroq summani taklif etgan.
Hozirda 28 yoshli futbolchining yillik daromadi 8–9 million yevro atrofida. Laimer o‘zining jamoadagi roli va mavqeini inobatga olib, maoshining oshirilishini o‘ziga nisbatan adolatli deb hisoblamoqda.
2023 yildan buyon "Bavariya" tarkibida to‘p surayotgan yarim himoyachi so‘nggi paytlarda o‘ng qanot himoyachisi sifatida ham maydonga tushmoqda. Uning jamoa uchun ko‘rsatgan xizmatlari va ko‘p qirrali o‘yini klub uchun muhim ahamiyatga ega bo‘lib, bu muzokaralarning e’tibor markazida qolmoqda.
