Del Pyero: Kenan Yildiz yetuk va mehnatsevar futbolchi
"Yuventus" jamoasining afsonaviy futbolchisi Alessandro Del Pyero hujumchi Kenan Yildiz haqida o‘z fikrlarini bildirdi, deb xabar bermoqda euro-football.ru. Bu haqda Zamin.uz xabar berdi.
Del Pyero Yildizga alohida maslahat berishga zarurat yo‘qligini ta’kidladi. Uning so‘zlariga ko‘ra, Kenan Yildiz allaqachon mustaqil ravishda oqilona qarorlar qabul qila oladigan yetuk shaxsga aylangan.
Del Pyero Kenanning o‘z ustida doimiy ishlashga intilishini yuqori baholadi. Uning fikricha, Yildiz "Yuventus"dagi faoliyatida maqsadga intilish, mehnatsevarlik va insoniy fazilatlar kabi muhim jihatlarni namoyon qilmoqda.
Afsonaviy futbolchi bu xususiyatlar har qanday sportchining eng yuqori natijalarga erishishida asosiy poydevor ekanini alohida qayd etdi. Joriy mavsumda Kenan Yildiz "Yuventus" safida barcha musobaqalar doirasida 32 ta o‘yinda maydonga tushib, 9 ta gol urdi va 8 ta golli uzatma amalga oshirdi.
Bu ko‘rsatkichlar uning jamoa uchun muhim o‘yinchi ekanligini yana bir bor tasdiqlaydi.
