Golovin: Maydondan chetlatilishim oddiy tushunmovchilik bo‘ldi
Rossiyalik yarim himoyachi Aleksandr Golovin Fransiya chempionatining 22-turida «Monako» va «Nant» o‘rtasidagi o‘yinda maydondan chetlatilganiga izoh berdi. Bu haqda Zamin.uz xabar berdi.
Bu haqda euro-football.ru xabar qilgan. 13 fevral kuni o‘tkazilgan ushbu uchrashuvda «Monako» o‘z maydonida «Nant»ni 3:1 hisobida mag‘lub etdi.
O‘yinda Golovin asosiy tarkibda maydonga tushib, ikki bora golli pas uzatishga muvaffaq bo‘ldi. Ammo 65-daqiqada u ketma-ket ikkita sariq kartochka olib, maydonni tark etdi.
Golovin mazkur vaziyat haqida quyidagicha fikr bildirdi: «Bu voqeada jiddiy muammo yo‘q deb o‘ylayman, oddiy tushunmovchilik bo‘ldi. Balki o‘sha paytda men o‘zimni biroz hissiyotga berib yuborgandirman.
Shunga qaramay, hakam buni bitta sariq kartochka bilan hal qilishi mumkin edi», – deydi u «Sport-Ekspress»ga bergan intervyusida. Hozirda «Monako» jamoasi 31 ochko to‘plab, Fransiya chempionatining umumiy jadvalida 7-o‘rinni egallab turibdi.
